Zer da Eilastasuna?

Hegoaldean hezkuntza-ekimenei laguntza txikiak eskaintzeko fondoa da, 1994a geroztik funzionatzen duena. Fondoak STEE-EILASen diru-sarrera gordinen %0,7az eta bazkideen ekarpenenez osatzen da bakarrik. Diruaren %100 urtero burutzen den Asanbladak erabakitako ekintzetarako da. Asanbladan ekimeneneko kide guztiek har dezakete parte.
Aurkezpena

Zeintzu dira Eilastasunaren helburuak?

Herritarren aldeko hezkuntza-ekimen txikiei diru laguntza eman.

Ekintza hauen bidez beste herri batzuetan bizi duten errealitatea ezagutu eta harremanak izan Hegoaldean gizartearen eraldaketan lan egiten duten beste erakunde batzuekin.

Hegoaldearekiko ezagupen hau irakasle eta ikastetxeei ezagutarazi eta elkartasuna hedatu.

Nolako ekimenak bultzatzen ditugu?

Batez ere, antolakuntza prozesuak, herri borrokak, tokian tokiko botere demokratikoen garapena, herri erakundeen indartzea, emakumeen botere handitzea... eragiten duten prestakuntza, eta herri hezkuntzarako ekimen txikiak bultzatzen ditugu.

2008ko asamblada

KAIXO EILASKIDE!

Urtero egin ohi dugun bezala, zuek guztiongana jotzen dugu EILASTASUNAren bileraren berri emateko. Oraingo honetan proposatzen dizuegun gai-ordena hauxe da:

1.- 2007an burututako proiektuen balorazioak:

• El Salvadorreko Nejapako udalean gazteekin lan egitea musikaren bidez.
• El Salvadorreko Cuscutlan gunean, CRIPDESen bidez, gazte taldea eratzea. 
• Saharako Heziketa Berezia Zentro bat: Saharawi Center.
• Saharan, UNMSen bidez, Emakumeentzako Lanbide Heziketarako Zentroa.
• Saharan, ATFALen bidez, Kanpamenduetako Hezkuntza Berezia
• Ekuadorreko Urruneko Herritar Hezkuntza Unitatea (OCSI eragilearen bidez).
• Peruko Bizitzarako Kirol Eskolak (ANILIAren bidez).
• Brasilgo Haur Eskola Ibiltaria (MST-ACACE eragilearen bidez).
• Chileko Heziketa Lantegi Maputxea (ILWEN LAFKEN HUAPE eragilearen bidez).
• Guatemalako Erresistentziako Herrien Komunitateetako familiei laguntza (APCD).
• Guatemalako Emakumezkoen heziketa. Adelina Caal Maquin (ACM) eragilearekin.
• Chiapas: Bigarren Hezkuntzako ikastetxea. Zapatisten Udal Autonomoa eta errebeldea.
• Mexikoko Chiapaseko La Realidad: Irakasle prestakuntzarako proiektua.

2.- Egoera ekonomikoa. Aurrekontuak.

3.- Aurten lagundu ditzakegun proiektuen aukeraketa.

4.- Brigadak: aukerak eta eragozpenak.

5.- Norberak lekarkeena.

Asanblada 2008ko otsailaren 15ean, ostiralean, 10:00etatik 14:00etara izango da, Gasteizko egoitzan. Interesaturik zaudetenok otsailaren 5a baino lehen deitu egoitzara liberazio sindikala eskatzeko eta zure ordezkoa ziurtatu ahal izateko. Era berean, proiektuak bilera aurretik eskuratu nahi badituzu edota gai hauen inguruan iradokizunak egitea nahi izanezgero, egoitzara deitu dezakezu.

Besterik gabe, agur bero bat.

Oihana Ibarguren, Nagore, Oihana Plazaola, Josemi eta Emilen

Euskal Herrian, 2007ko abenduaren 6an

Zein da gure proposamena?

Bat egitea fondoarekin, horretarako eskatutako datuak bete eta hiruhilabeterik behin 15 euroko erreziboa kobratuko zaizu.

Zer proiektu bultzatu erabakiko duen asanbladan parte hartzea.

Elkartasunezko ekimenekiko interesa piztuta manten dezagula.

Hezkuntzako Foro Sozialean aurkeztutako tailerra
Aurkezpena

El Salvador

Herri arteko elkartasuneko mundua.
Memoria