08/04/25 Gipuzkoako Lanuztea.
Erantzun ezin hobea: Heziketa Bereziko langileen %86ak bat egin du lanuztearekin.
 Manifestua
08/04/23
Bizkaiko Lanuztea.
Erantzun ezin hobea: Heziketa Bereziko langileen %81ak bat egin du lanuztearekin.
Manifestua
08/04/22 Arabako Lanuztea.
Erantzun ezin hobea: Heziketa Bereziko langileen %63ak bat egin du lanuztearekin.
Manifestua
08/04/10 Bilboko hezkuntza ordezkaritzan egindako delegatuen kontzentrazioa
ADI HEZIKETA BEREZIKO LANGILEOK!!!
LAB, ELA, STEE-EILAS eta UGT sindikatuok hurrengo idazkiaren bidez, gure kolektiboko langileon egoera kezkagarria salatu nahi dizuegu, jasaten ari garen egoera larriari irtenbideak lehenbailehen bideratzeko guztion jabetzea ezinbestekoa dugulako.
2003. urtetik Lan Hitzarmena berritu gabe dugun langileak gara. 2005. urtean Lan Hitzarmena salatu eta negoziaketetan hasi ginen. Negoziazioek 2006ko ekainera arte jarraitu zuten gora beherekin; baina orokorrean balantze negatiboa egin genuen orduan ere, asko hitz egin eta gutxi negoziatzeko asmoa besterik ez genuen jaso eta Hezkuntza Administrazioarengandik. Sindikatuontzako oinarrizkoak genituen eta ditugun lan baldintzak mahai gaineratzen ez zirenez, 2006ko ekainean, negoziazioak eten genituen.
Gogoratuko duzuen bezala egoera honek eta ondorioz gure lan baldintzen okertzeak, 2006/2007 ikasturtean zehar langileen mobilizazio desberdinak eta grebak burutzera ekarri zuen; kolektibo txikia garen arren, duintasun handiarekin salatu genuen gure lan baldintzen egoera.
2007/2008 ikasturtea, berriro ere negoziatzeko borondate onarekin hasi eta horretarako bildu izan gara, baina gaur da eguna hilabete hauetan gertatutakoak gure mahai negoziatzailearen egoera salatzera dakarkiguna. Hezkuntza Sailak berriro ere iruzurra egin digu, ikasturte honetako mahaietara ez du beraien interesetik at ezer gehiago eskaini.
Negoziatzen hasi ginenetik, hiru urte pasa eta Hezkuntza Administrazioak gure lan baldintzak oinarrian hobetuko dituen gaiei erantzun formalik oraindik ere ez du eman. Gure lan egoera geroz eta kaxkarragoa denean, gure kolektiboan lan egitea gogortzen ari denean... Nola lortu langileak gurera lan egitera gerturatzea, egoera ikusten badute?
Langile bezala egiten ditugun eskaerak oinarrizkoak eta egun, gutxiengoak ditugunak mahai gaineratzea exijitzen diogu Hezkuntzari:
- 165 egun lan eginda, uda kobratu, kotizatu eta puntuatzeko eskubidea.
- Jardunean asteko edo eguneko gehiengoa ezartzea.
Hezkuntza Sailaren errespetu faltaren aurrean eta gure lan baldintzen defentsan, Hezkuntza Administrazioak ulertzen duen hizkuntza bakarra, mobilizazioak eta LANUZTEAK, dira erantzuna. Ondoren azken hauen egutegia luzatzen dizuegu:
- Apirilak 10, Bilboko Hezkuntzan Delegatuen kontzentrazioa 12:30etan
2 orduko lanuzteak, 12:30etatik 14:30etara eta herrialdetako Delegaritzen aurrean kontzentrazioak, 13:00tan:
- Apirilak 21 ARABAN
- Apirilak 22 BIZKAIAN
- Apirilak 24 GIPUZKOAN
4 orduko lanuzteak, 13:00etatik 17:00etara eta herrialdetako Delegaritzen aurrean kontzentrazioak,
- Maiatzak 5 ARABAN
- Maiatzak 6 BIZKAIAN
- Maiatzak 8 GIPUZKOAN
Gure lan baldintzen defentsan, mobilizazio eta lanuzteetan, gure haserrea eta indarra erakutsi!!!
Mobilizazioak
|
